تحميل كتاب حكايات الجان pdf – إبراهيم سلامة
تحميل كتاب حكايات الجان pdf – إبراهيم سلامة هذا الكتاب مسعى لفهم ما هو مختبىء في نفوس الناس, والذي يتجلى في حكايات تتردد بينهم. حكايات الجان والعفاريت, كائنات الخفاء في العالم المحيط والمختفي, عالم المجهول الذي يحتفظ بنوع خاص لحياة مختلفة. هذا العالم الذي تشكل وفق تصورات البشر عنه, وخيالهم حول طبيعة الحياة فيه, والعلاقة بين الكائنات به, وعلاقتهم بالبشر. إنها حكايات الإقتراب الحذر, ومسعى لإستدعاء المجهول ومحاولة تجسيد الخيال
عمرك شفت جن قبل كده؟
الجن ذكر فى القرآن.. الجن موجود.. الجن ربنا خلقه لحكمة من عنده، كل دى أساسيات مفهومة ومعروفة فى صحيح الدين.. لكن مش هى دى المشكلة.. عارفين إيه المشكلة؟ أنك تشوف الجن.. عمرك شفت جن قبل كده؟
سؤال مهم بـ يحاول الكتاب اللى معانا النهارده يجاوب عليه.. بـ يجرى هنا وهناك وبـ يسافر فى أماكن بعيدة فى قرى مصر علشان يجمع حكايات الناس عن الجن.. الناس مؤمنة أن الجن مذكور فى القرآن لكن عندهم من الخيال والحكايات اللى بـ توصف ما هو أبعد، حكايات عاوزة تلمس المجتمع الغريب ده وتقرب منه.. معتقدات شعبية كثير قامت على فكرة الجن، معتقد ممكن يكون أساسه حدوتة قالها راوي فى مكان بعيد ونقلها الجد للحفيد والأب لابنه ولعب الخيال الفردى دوره، وبقت حكاية الجن.
فيه مساحات واسعة جدًا وأشكال مختلفة للحكايات فى الكتاب منها مثلًا أن الجن ممكن يتجوز من بنى الإنسان واللى بـ يعمل كده بـ يطلق عليه لقب “مخاوى” وهو مصطلح شعبى معناه أن الرجل ده أو الست دى بـ يعرفوا الجن وبـ يتعاملوا معاه وممكن كمان يكونوا متجوزين منه.. وساعات بـ يبعد الخيال لأكثر من كده ويتكلم عن حالات اختفاء الإنسان واللى فيها بـ تلعب الرحلة دور مهم لأنهم بـ يحكوا عن “فلان” اللى اختفى وراح لمملكة الجن وبـ يرجع إما مريض أو مجنون أو عنده قدرات عجيبة وبـ يحكى عن العالم الغريب.
إبراهيم سلامة هو الباحث النشيط جدًا واللى عمل الدراسة دى.. وهى دراسة فيها نظريات حديثة ومحاولة تطبيقها.. وفيها قدرة قوية على البحث والربط بين الحكايات والوضع الاجتماعى والثقافى للراوى والمجتمع اللى نشأت فيه الحكاية.. لكن جنب كل ده فيه حاجة مختلفة فى الكتاب وهى الحكايات نفسها واللى مش جاية من مراجع لكنها جاية من على لسان الناس.. من ناس قالت أنها شافت الجن وناس بـ تحكى عن ناس شافت الجن وزارتهم فى مملكتهم علشان كده الكتاب ده مختلف.
